Trahiedyja ŭ Charkaŭskaj vobłaści: rasijski dron zabiŭ u domie traich małych dziaciej
U horadzie Bahaduchaŭ Charkaŭskaj vobłaści ŭ vyniku ŭdaru bieśpiłotnikam pa pryvatnym domie zahinuli čatyry čałavieki. Siarod achviar — troje maleńkich dziaciej: dva chłopčyki, jakim było tolki pa adnym hodzie, i dvuchhadovaja dziaŭčynka.
Taksama ŭ domie byŭ 34‑hadovy mužčyna, jon pamior ad śmiarotnych traŭm.
Pavodle infarmacyi kiraŭnika Charkaŭskaj abłasnoj vajennaj administracyi Aleha Siniahubava, dron trapiŭ u žyły dom.
Budynak byŭ całkam razburany, uspychnuŭ pažar na płoščy 60 kvadratnych mietraŭ.
Akramia zahinułych, jość paciarpiełyja. Siarod ich — 35‑hadovaja ciažarnaja žančyna i 74‑hadovaja piensijanierka.
Miedyki akazvajuć im dapamohu. Ratavalniki likvidujuć nastupstvy ŭdaru i raźbirajuć zavały.