U Salihorskim rajonie mužčyna dva razy pahražaŭ uzarvać vyšku za kiepski internet

Žychar adnoj ź viosak Salihorskaha rajona nastolki razzłavaŭsia na kiepskuju jakaść internet-suviazi, što pahražaŭ uzarvać adpaviednuju viežu. Prytym zrabiŭ heta dvojčy, i dvojčy jaho za heta sudzili, piša Blizko.by.

Fota ilustracyjnaje

Pieršy vypadak adbyŭsia ŭ studzieni 2025 hoda padčas navahodnich śviataŭ: mužčyna vypiŭ amal butelku harełki, uspomniŭ pra prablemy z mabilnym internetam, patelefanavaŭ u słužbu padtrymki, ale tam jamu nie dapamahli.

Paśla taho, razzłavany, mužčyna vyłajaŭsia i pryhraziŭ, što ŭzarvie internet-viežu. Za heta sud pryhavaryŭ jaho da hoda chatniaj chimii.

Paśla taho čałaviek pamianiaŭ apieratara, ale historyja na hetym nie skončyłasia.

U vieraśni taho ž hoda ŭžo novy apieratar atrymaŭ zvanok z padobnaj pahrozaj. Infarmacyju pieradali ŭ milicyju, dzie vyśvietlili, što «minioram» znoŭ byŭ toj ža čałaviek, užo sudzimy za anałahičnaje parušeńnie.

Na mužčynu zaviali novuju kryminalnuju spravu. Ciapier jamu pahražaje abmiežavańnie voli da piaci hadoŭ abo pazbaŭleńnie voli na termin ad troch da siami hadoŭ.

Kamientary da artykuła