Biełarusy adkryli ŭ Kijevie druhi centr niazłomnaści
Kab dapamahčy žycharam stalicy Ukrainy pieražyć choład, 11 lutaha biełarusy pastavili druhi namiot, bo pieršy ŭžo nie spraŭlajecca z kolkaściu ludziej, jakim patrebna dapamoha. Pra heta paviedamiŭ dabračynny fond «Vilna Biłoruś».
«Centr niazłomnaści — miesca, dzie jość śviatło, ciapło i padtrymka, dzie adčuvajecca salidarnaść i čałaviečnaść.
Asabliva pryjemna, što heta inicyjatyva zvyčajnych biełarusaŭ.
Ad imia biełaruskaj supolnaści Ukrainy vykazvajem ščyruju padziaku Alenie Žarkievič i ŭsim, chto dapamoh realizavać hetuju važnuju i patrebnuju spravu», — paviedamlaje fond «Vilna Biłoruś» u svaim telehram-kanale.
Pra stvareńnie pieršaha biełaruskaha punkta niazłomnaści ŭ Kijevie paviedamlałasia ŭ kancy studzienia.