U Adzinym rejestry pustych damoŭ Biełarusi — kala 49 tysiač budynkaŭ
Na 11 lutaha ŭ Adzinym rejestry pustych damoŭ, jaki byŭ stvorany Dziaržaŭnym kamitetam pa majomaści ŭ 2023 hodzie, naličvajecca kala 49 tysiač abjektaŭ. Pra heta paviedamiŭ namieśnik staršyni viedamstva Mikałaj Babior padčas pres-kanfierencyi.
Zdymak ilustracyjny. Fota: «Naša Niva»
Pa słovach čynoŭnika, miascovyja orhany ŭłady spačatku šukajuć mahčymych ułaśnikaŭ abo pravaŭładalnikaŭ takich damoŭ. Kali ŭładalnikaŭ nie znachodziać, budynki pierachodziać u kamunalnuju ŭłasnaść abo vystaŭlajucca na prodaž. Častku ź ich možna nabyć navat za adnu bazavuju vieličyniu (u 2026 hodzie heta 45 rubloŭ).
U 2025 hodzie, jak adznačyŭ Mikałaj Babior, u haspadarčy abarot udałosia ŭklučyć kala 7 tysiač pustych damoŭ. Ź ich 2 tysiačy byli pradadzienyja, u tym liku častka — za adnu bazavuju vieličyniu (42 rubli na toj momant).
Jašče 5 tysiač budynkaŭ źnieśli, bo jany nie padlahali adnaŭleńniu i nie ŭjaŭlali cikavaści dla prodažu abo vykarystańnia.
Čytajcie taksama:
U Mastoŭskim rajonie šmatdzietnaja maci nabyła pad žyllo zakinuty dziciačy łahier
U Loźnienskim rajonie siamja dziesiać hadoŭ adnaŭlała chatu, a paśla ŭvadnačas jaje straciła
Znajomaja addała minčuku stary viaskovy dom na chutary — toj pieratvaryŭ jaho ŭ šedeŭr