U Loźnienskim rajonie siamja dziesiać hadoŭ adnaŭlała chatu, a paśla ŭvadnačas jaje straciła
Žychary Loźnienskaha rajona Maryja i Uładzimir (imiony źmienienyja) i ŭjavić nie mahli, što ich šmathadovaja praca nad adnaŭleńniem zakinutaj chaty skončycca tym, što žyllo biez usialakaj kampiensacyi padorać inšym ludziam, paviedamlaje Dziaržkamitet sudovych ekśpiertyz.
Chata znachodziłasia ŭ dolevaj ułasnaści troch svajakoŭ i była ŭ stanie, nieprydatnym dla žyćcia. Ale Maryi i Uładzimiru nadta patrebna było žyllo, tamu z dazvołu ŭłaśnikaŭ jany tam usio ž pasialilisia i pačali ramont, spadziejučysia z časam atrymać prava chacia b na častku ŭłasnaści.
Za dziesiać hadoŭ jany adnavili dach, padłohu, pastavili płastykavyja vokny, pakleili špalery, pafarbavali padłohi i piečku. Akramia taho, całkam adnavili łaźniu.
Ale kali praca była zavieršanaja, svajaki prosta padaryli chatu inšym ludziam i navat nie prapanavali kampiensacyi za ramont. Bolš taho, kali Maryja padała ŭ sud, kab spahnać hrošy za zroblenaje, joj adkazali, što ramont nibyta zrobleny z parušeńniami, tamu ŭsio treba rabić nanova.
Kropku ŭ hetaj sprečcy pastaviła budoŭniča-techničnaja ekśpiertyza, jakuju pa daručeńni suda praviali śpiecyjalisty Dziaržaŭnaha kamiteta sudovych ekśpiertyz pa Viciebskaj vobłaści. Ekśpiert acaniŭ raboty navat vyšej, čym zajaviła sama pazoŭnica, i paćvierdziŭ ich jakaść.
Na padstavie hetych vysnoŭ sud pryniaŭ rašeńnie: novyja ŭładalniki pavinny kampiensavać Maryi i Uładzimiru košt ramontu.
Znajomaja addała minčuku stary viaskovy dom na chutary — toj pieratvaryŭ jaho ŭ šedeŭr
Minčanka kinuła stalicu, adnaviła chatu 1905 hoda — i ščaślivaja
Biełarus za 120 rubloŭ nabyŭ dziciačy sadok i choča zrabić ź jaho sałon pryhažości
Minčuk pieratvaryŭ zakinuty kutok u muziej dzivosnych draŭlanych skulptur
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?5
Kamientary