Rada Ukrainy spyniła pracu — deputaty masava patrucilisia
Parłamient Ukrainy nie zmoh pracavać na pasiadžeńni 12 lutaha — deputaty kažuć, što mahli atrucicca ŭ stałovaj Rady.
Stravy ŭ stałovaj Rady, 2019 hod. Fota: UP
Jak piša «UP», havorka idzie pra dziasiatki deputataŭ. Nazyvajecca ličba «da 30 nardepaŭ». U bolšaści padobnyja simptomy: vysokaja tempieratura, strata sił, kišečnyja razłady i dyjareja.
Častka surazmoŭcaŭ miarkuje, što mahli atrucicca ŭ deputackaj stałovaj, choć nie ŭsie inficyravanyja jeli tam.
Inšyja surazmoŭcy pierakananyja, što ŭsie simptomy padobnyja na prykmiety rotavirusa, uspyški jakoha ŭ apošnija tydni fiksavali i ŭ Bukavieli, i ŭ inšych haradach, u tym liku ŭ stalicy.
Praz raptoŭnaje zachvorvańnie parłamient nie zmoh sabracca na pasiadžeńnie 12 lutaha. Tamu ŭ Radzie byli vymušanyja zakryć pasiadžeńnie parłamienta.
Nastupny plenarny tydzień pačniecca 24 lutaha.