Hanna Karalova finišavała 45‑j na dystancyi 10 kiłamietraŭ
Biełaruskaja łyžnica Hanna Karalova finišavała na dystancyi 10 kiłamietraŭ (z raździelnym startam) z vynikam 25:59.3. Heta 45‑i vynik i adstavańnie try chviliny 10 siekund ad lidara.
Hanna Karalova, fota BiełTA
Zołata vyjhrała šviedka Fryda Karłsan z vynikam 22 chviliny i 49 siekundaŭ.
Srebra ŭ šviedki Eby Andersan (adstavańnie 46,6 siekundy), bronza ŭ amierykanki Džesi Dzihins (+49,7).
Karłsan i Andersan vyjhrali zołata i srebra ŭ skijatłonie ŭ subotu.
U subotu Hanna była 34‑j u skijatłonie, u aŭtorak pakazała 49‑y vynik u kvalifikacyi spryntu.
Siońnia viečaram Maryna Zujeva voźmie ŭdzieł u zabiehu na 5000 mietraŭ na kańkach.