Biełaruski piłot zahinuŭ pry krušeńni viertalota ŭ Livii
Hramadzianin Biełarusi zahinuŭ pry katastrofie viertalota Mi-8 na avijabazie Matan as-Sara na poŭdni Livii 9 lutaha. Viertalot, jaki vykonvaŭ sanitarny rejs, raźbiŭsia pry zachodzie na pasadku. Na borcie znachodziłasia piać čałaviek, piša Reform.news.
Fota: Kufra-Ambulance and Emergency board
«Pavodle źviestak adnaho z maich padpisčykaŭ, pravym piłotam sanitarnaha rejsa byŭ hramadzianin Biełarusi A. M., kamandziram pavietranaha sudna — hramadzianin Rasii S. P. (raniej słužyŭ z maim padpisčykam u adnym pałku). Taksama zahinuli dva miedycynskija rabotniki i pacyjent, jakoha pieravozili», — paviedamlaje telehram-kanał «OtVinta».
Fota: facebook.com/abdulla.kufra
Pavodle źviestak livijskich ŚMI, viertalot vykonvaŭ evakuacyju paranienaha vajskoŭca. Vydańnie Al-Wasat nazyvaje imiony troch zahinułych — heta dva livijskija vajskoŭcy i miedbrat.
Čytajcie taksama:
U Livii zabili syna Muamara Kadafi
U Turcyi raźbiŭsia samalot z načalnikam Hienštaba Livii na borcie