U najbližejšy čas pierastanuć pracavać paštovyja skrynki tut.by

Sa słoŭ krynicy vydańnia Tochka.by, u Biełarusi pryniali rašeńnie całkam spynić funkcyjanavańnie resursaŭ, źviazanych z tut.by. Ci nie adzinym z takich dahetul zastavałasia elektronnaja pošta. 

Fota ilustracyjnaje

Z pačatku 2026 hoda biełaruskija jurydyčnyja asoby atrymlivajuć patrabavańni ad orhanaŭ vykanaŭčaj ułady karystacca tolki abaronienymi paštovymi servisami, raźmieščanymi ŭ nacyjanalnym siehmiencie internetu. Heta prapisana va ŭkazie Łukašenki № 60.

Pry hetym zabaroniena vykarystoŭvać resursy, źviazanyja z «ekstremisckaj dziejnaściu». Asablivuju ŭvahu pry hetym źviarnuli na tut.by, jaki ŭklučany ŭ śpis internet-resursaŭ z abmiežavanym dostupam.

Najbujniejšy ŭ Biełarusi infarmacyjny resurs Tut.by byŭ pryznany «ekstremisckim» i zabłakavany ŭ 2021 hodzie. Ciapier jaho spravu praciahvaje vydańnie «Lusterka».

Paštovy servis Tut.by da 2009 hoda byŭ samastojny, paśla pierajšoŭ na płatformu Google, a z 2015‑ha pracuje na płatformie «Jandeksa».

Kamientary da artykuła