Najbolš papularny teatr u Minsku pakinuŭ jahony dyrektar
Dyrektaram Teatra lalek z 2024 hoda była Taćciana Toŭścik, źmianiŭšy na pasadzie Dźmitryja Siamionava. Adnak infarmacyja pra jaje źnikła ŭ hrafie «Kiraŭnictva i tvorčy skład» na aficyjnym sajcie. Zaraz tam značycca tolki namieśnik dyrektara Viačasłaŭ Lavonienka, piša Onliner.by.
U teatry raskazali, što Taćciana Toŭścik pakinuła kalektyŭ pa ŭłasnym žadańni.
— Jaje sychod nijak nie źviazany z pracaj teatra. Taćciana Anatoljeŭna vyrašyła viarnucca da vykładčyckaj dziejnaści ŭ Biełaruskaj dziaržaŭnaj akademii mastactvaŭ (raniej była staršym vykładčykam na kafiedry režysury), — skazaŭ surazmoŭca.
U apošnija hady śpiektakli teatra lalek stali adnymi z samych zapatrabavanych. La kas nie raz źbiralisia čerhi, a ŭ režymie onłajn kvitki raskuplajucca maksimalna chutka. U adnym ź intervju Taćciana Toŭścik raskazała, što niekatoryja navat abvinavačvali teatr u štučnym stvareńni ažyjatažu.
Fota: Minsk-naviny
«Ale pry isnujučaj viadomaści Biełaruskaha dziaržaŭnaha teatra lalek nam heta zusim nie treba. My vyklučyli anansavańnie startu prodažaŭ, i, jak tolki afiša traplała na sajt teatra, pačynalisia prodažy i ŭ kasie, i praz sajt. Tak vyraŭniali mahčymaści ŭsich bakoŭ», — raskazvała eks-dyrektar.