Pamior rasijski piśmieńnik Roj Miadźviedzieŭ
Jamu było 100 hadoŭ.
Pamior rasijski i saviecki publicyst Roj Miadźviedzieŭ, jamu było 100 hadoŭ.
Miadźviedzieŭ byŭ aŭtaram šmatlikich palityčnych bijahrafij. Jon prasłaviŭsia ŭ saviecki čas knihaj «Da suda historyi» pra stalinskija represii, za jakuju byŭ vyklučany z KPSS.
Padčas pierabudovy jaho adnavili ŭ partyi, zatym Miadźviedzieŭ byŭ členam Viarchoŭnaha Savieta SSSR i prymaŭ udzieł u Źjeździe narodnych deputataŭ SSSR.
Adna ź viadomych jaho knih — bijahrafija Mikity Chruščova, što ŭ pačatku 1990‑ch vychodziła pa-biełarusku.
U 2010 vyjšła kniha «Aleksandr Łukašenka. Abrysy biełaruskaj madeli», dzie jon chvaliŭ Łukašenku.
Roj Miadźviedzieŭ byŭ bratam-bliźniukom Žaresa Miadźviedzieva — savieckaha dysidenta. Imia atrymaŭ u honar viadomaha ŭ 1920‑ch hadach indyjskaha kamunista Manabiendry Roja, adnaho z zasnavalnikaŭ Kampartyi Indyi.