Sud nad Paŭłam Dabravolskim pačniecca 27 lutaha
Mužčynu abvinavačvajuć u «zdradzie dziaržavie».
Pasiadžeńnie zapłanavanaje ŭ Minskim haradskim sudzie, piša «Pozirk».
Žurnalist raniej pracavaŭ jak na biełaruskija, tak i na zamiežnyja miedyja. Apošniaje miesca pracy Dabravolskaha ŭ Biełarusi — infarmacyjnaja kampanija BiełaPAN, častku supracoŭnikaŭ jakoj u 2021 hodzie KDB pryznaŭ «ekstremisckim farmavańniem».
Pavieł Dabravolski byŭ zatrymany 22 studzienia 2025 hoda. Jamu pahražaje da 15 hadoŭ pazbaŭleńnia voli. 26 žniŭnia pravaabarončaja supolnaść pryznała žurnalista palitviaźniem.