«My — u dupie». Na vučeńniach NATA ŭ Estonii kupka ŭkrainskich vajskoŭcaŭ «źniščyła» za dzień dva bataljony ŭmoŭnaha praciŭnika

Z infarmacyi vydańnia The Wall Street Journal, padčas vučeńniaŭ NATA ŭ Estonii ŭ ramkach prahramy Hedgehog 2025 u mai minułaha hoda ŭkrainskija apieratary BPŁA «raźbili» dva bataljony ŭmoŭnaha supraciŭnika za adzin dzień, pakazaŭšy słabuju padrychtavanaść sił NATA da sučasnaha boju.

Fota: ERR

U vučeńniach udzielničali bolš za 16 tysiač sałdat z 12 krain NATA. Suprać «praciŭnikaŭ» vystupali ŭkrainskija vajskoŭcy, u tym liku tyja, jakija ŭdzielničali ŭ realnaj vajnie z Rasijaj. Adna z hrup umoŭnaha supraciŭnika naličvała kala 100 čałaviek (estoncy i ŭkraincy), druhaja — tolki 10 ukrainskich sałdat.

Mienšaja hrupa za paŭdnia ŭmoŭna «źniščyła» 17 adzinak braniatechniki i naniesła 30 udaraŭ pa inšych mišeniach. Bolšaja hrupa zadziejničała bolš za 30 dronaŭ na ŭčastku mienš za 10 km².

Vučeńni pakazali, što sučasnaje pole boju stała vielmi prazrystym i ŭraźlivym dla luboj techniki i sił, jakija ruchajucca. Sa słoŭ padpałkoŭnika estonskaha vojska Arba Probała, meta navučańnia — prymusić udzielnikaŭ krytyčna aceńvać siabie i nie spyniacca na dasiahnutym.

Były kamandzir Estonskaha centra vajskovaj raźviedki Sten Rejman nazvaŭ vyniki vučeńniaŭ «šokavymi» jak dla kamandavańnia, tak i dla sałdat.

Pavodle krynic WSJ, adzin z kamandziraŭ paśla nazirańnia za vučeńniami zrabiŭ reziume: «My [NATA] — u dupie».

Kamientary da artykuła