Eks-ministra enierhietyki Ukrainy zatrymali pry sprobie źjechać z krainy
U noč 15 lutaha pry sprobie pierasiačeńnia miažy zatrymali byłoha ministra enierhietyki Hiermana Hałuščanku. Pra heta paviedamlaje «UP» sa spasyłkaj na krynicu.
Hierman Hałuščanka. Fota: Vikipiedyja
Eks-ministr enierhietyki byŭ źniaty ź ciahnika.
Krynica «Ukrainskaj praŭdy» ŭdakładniaje, što pamiežniki mieli zapyt ad śpiecsłužbaŭ pa Hałuščanka — dla atrymańnia infarmacyi ŭ vypadku jaho sproby pierasiekčy miažu. Takaja praktyka ŭžyvajecca, kali čałaviek fihuruje ŭ kryminalnych spravach.
Hałuščanka źjaŭlajecca, razam ź biznesmienam Cimuram Mindzičam, adnym z klučavych fihurantaŭ karupcyjnaj spravy ŭ najbližejšym atačeńni Uładzimira Zialenskaha.
U listapadzie minułaha hoda Hałuščanka adpravili ŭ adstaŭku, adnak jon byŭ na voli.