Valfovič prakamientavaŭ zajavy SVR i paprasiŭ Jeŭropu nie dyktavać Biełarusi, jak žyć
Niadaŭna Słužba zamiežnaj vyviedki Rasii (SVR) zajaviła, što ZŠA, Brytanija, Hiermanija i Polšča rychtujuć novuju sprobu źmianić kanstytucyjny ład u Biełarusi.
Fota: Minabarony
Sakratara Rady biaśpieki Alaksandra Valfovič paprasili heta prakamientavać.
«Ničoha novaha», — adkazaŭ toj u efiry «Biełaruś 1».
«Ni adzin urad, ni Polščy, ni Litvy, ni Łatvii, nie idzie na kanstruktyŭny dyjałoh, nie choča vieści narmalnuju mižnarodnuju praktyku, jak heta pryniata ŭ śviecie: pa linii ministerstvaŭ zamiežnych spraŭ znachodzić šlachi vyrašeńnia tych prablemnych pytańniaŭ, jakija jość pamiž dźviuma dziaržavami. My nie ŭščamlajem intaresy Polščy i krain Prybałtyki, my nie dyktujem im, jak žyć. I nie treba nam dyktavać», — skazaŭ Alaksandr Valfovič.
Dziaržsakratar Rady biaśpieki prakamientavaŭ apošnija pravierki Uzbrojenych Sił.
«Ludzi ŭ pahonach na čale sa svaim hałoŭnakamandujučym rychtujucca ŭ lubuju chvilinu abaranić našy nacyjanalnyja intaresy, našu krainu. Tamu hetaja pravierka — zrez hatoŭnaści Uzbrojenych Sił pierš za ŭsio jak jadra vajennaj arhanizacyi dziaržavy być hatovymi vykanać tyja zadačy, jakija jany majuć u adpaviednaści sa svaim pryznačeńniem».