SVR: ZŠA, Brytanija, Niamieččyna i Polšča rychtujuć novuju sprobu źmianić kanstytucyjny ład u Biełarusi
Zachad sprabuje asłabić intehracyju Biełarusi i Rasii i rychtuje resursy dla destabilizacyi situacyi ŭ Biełarusi i źmieny kanstytucyjnaha ładu, zajaŭlaje Słužba zamiežnaj vyviedki Rasii (SVR).
Niaŭradavyja arhanizacyi zachodnich krain akumulujuć siły i srodki, kab znoŭ pasprabavać razhajdać situacyju i dabicca źmieny kanstytucyjnaha ładu ŭ Biełarusi, pieradaje TASS zajavu SVR.
«Zachodnija «demakratyzatary» znoŭ nacelvajucca na Biełaruś. Pavodle infarmacyi, jakaja pastupaje ŭ SVR, NDA zachodnich krain, siarod jakich «demakratyzatarskija» struktury, ahienctvy i fondy ZŠA, Vialikabrytanii, FRH, Polščy i inšych jeŭrapiejskich dziaržaŭ, akumulujuć siły i srodki, kab znoŭ pasprabavać razhajdać situacyju i dabicca źmieny kanstytucyjnaha ładu ŭ Biełarusi», — zajaŭlaje SVR RF.
Zachodniki sprabujuć sfarmavać resurs z «azłoblenych apazicyjanieraŭ», kab nacelicca na prezidenckija vybary ŭ Biełarusi ŭ 2030 hodzie, adznačyli tam. Zachad nie ŭličvaje, što biełaruskaje hramadstva paśla padziej 2020 hoda atrymała dobruju «pryščepku» ad sprob razhajdać situacyju ŭ krainie, paviedamlaje SVR.
Taksama tam zajaŭlajuć, što na Zachadzie spadziajucca asłabić sajuz Minska i Maskvy ŭ ramkach Sajuznaj dziaržavy i ŭskładnić dasiahnieńnie met śpiecapieracyi.
Dniami prezident Ukrainy Uładzimir Zialenski zajaviŭ, što Rasija sprabuje ŭciahnuć Biełaruś u vajnu.
«Kajłas, ja idu». Što za biełaruska źnikła ŭ žudasnym sieli ŭ Niepale6
Kamientary