U Polšču znoŭ zalacieli pavietranyja šary ź Biełarusi
U noč na 16 lutaha polskija vajskoŭcy znoŭ zafiksavali ŭ pavietranaj prastory krainy abjekty, jakija nahadvali pavietranyja šary i, pavodle papiarednich źviestak, prylacieli z boku Biełarusi. Pra heta paviedamiła Apieratyŭnaje kamandavańnie Uzbrojenych sił Polščy.
Cyharety, dastaŭlenyja kantrabandaj pavietranym šlacham. Fota ilustracyjnaje
Pavodle infarmacyi polskich vajskoŭcaŭ, abjekty pastajanna adsočvalisia i kantralavalisia sistemami vajskovaj raźviedki. Padkreślivajecca, što situacyja nie ŭjaŭlała pahrozy ni dla cyvilnaj avijacyi, ni dla žycharoŭ krainy.
Polskija vajskoŭcy supracoŭničajuć ź inšymi słužbami, adkaznymi za dziaržaŭnuju biaśpieku, pieradajučy im nieabchodnyja danyja dla apieratyŭnaha reahavańnia. Havorka idzie ŭ tym liku pra mahčymy pierachop takich abjektaŭ i zatrymańnie ludziej, jakija mohuć być źviazanyja z hetymi vypadkami. Dadatkovych padrabiaznaściaŭ pakul nie paviedamlajecca.
U apošni čas u Polščy pačaścilisia vypadki, kali z terytoryi Biełarusi zapuskajuć pavietranyja šary z kantrabandaj. Padobnyja incydenty raniej užo vyklikali napružańnie ŭ adnosinach pamiž Biełaruśsiu i Litvoj.
Čytajcie taksama:
U Polščy sudziać 33 čałaviek, abvinavačanych u bujnoj kantrabandzie ź Biełarusi
U Polščy znoŭ zafiksavali parušeńnie pavietranaj prastory ź Biełarusi
Pavietranyja šary znoŭ zalacieli ŭ Polšču ź Biełarusi
U Litvie pierachapili partyju kantrabandnych cyharet, jakija skinuli ŭ śnieh ź ciahnika