U Minsk pryjechała delehacyja ad afhanskich talibaŭ
U MZS Biełarusi prajšli pieramovy z kiraŭnictvam Nacyjanalnaj karparacyi raźvićcia Afhanistana, paviedamlaje BiełTA.
Fota: MZS Biełarusi
Pieršy namieśnik ministra zamiežnych spraŭ Biełarusi Siarhiej Łukaševič 16 lutaha sustreŭsia z afhanskaj delehacyjaj, jakaja pradstaŭlaje viadučuju dziaržaŭnuju kampaniju hetaj krainy ŭ halinie infrastruktury i budaŭnictva.
Paviedamlajecca, što padčas pieramoŭ baki adznačyli vialikija pierśpiektyvy pavieličeńnia pastavak u Afhanistan biełaruskaj techniki, sielskahaspadarčaj i inšaj pradukcyi, nieabchodnaj dla realizacyi bujnych prajektaŭ raźvićcia krainy.
Pa vynikach sustrečy damovilisia aktyvizavać kantakty ŭ śfierach pramysłovaści, sielskaj haspadarki i charčavańnia, achovy zdaroŭja i adukacyi.
Raniej toj ža Siarhiej Łukaševič užo sustrakaŭsia z pradstaŭnikami afhanskaha isłamisckaha ruchu «Taliban», jaki ŭ 2021 hodzie zachapiŭ uładu ŭ krainie, u studzieni 2025 hoda ŭ Kabule.
Čytajcie taksama:
Byłoha afhanskaha vajskoŭca tak mocna pabili ŭ Biełarusi, što jamu daviałosia amputavać ruku
Pradstaŭnik MZS Biełarusi sustreŭsia z terarystam sa śpisu KDB