Pamior akcior i kinarežysior Robiert Dziuval

Pra śmierć amierykanskaha akciora i kinarežysiora Robierta Dziuvala paviedamiła ahienctva AFP sa spasyłkaj na zajavu jaho žonki. Jamu było 95 hadoŭ. 

Robiel Dziuval

Robiert Dziuval staŭ viadomy dziakujučy rolam u filmach «Vajskova-palavy špital», «Chrosny baćka» i «Apakalipsis siońnia». Za svaju karjeru jon źniaŭsia bolš jak u sta kinastužkach.

Tvorčy šlach akciora pačaŭsia na telebačańni ŭ 1960‑ch hadach. U 1962 hodzie jon upieršyniu źjaviŭsia ŭ vialikim kino, syhraŭšy Bu Redli ŭ filmie «Zabić pieraśmiešnika». Praź niekalki hadoŭ, u 1966-m, jon pačaŭ vystupać na Bradviei.

U 1984 hodzie Dziuval atrymaŭ premiju «Oskar» za najlepšuju mužčynskuju rolu ŭ filmie «Piaščotnaja miłasernaść». Akramia taho, jaho šeść razoŭ vyłučali na «Oskar» za roli ŭ filmach «Chrosny baćka», «Apakalipsis siońnia», «Vialiki Sancini», «Apostał», «Hramadzianski pazoŭ» i «Sudździa».

Taksama jon byŭ udastojeny premii BAFTA i čatyroch uznaharod «Załaty hłobus».

Kamientary da artykuła