Da kanca hoda ŭ sieryjnuju vytvorčaść źbirajucca zapuścić biełaruski aŭtamat
Aŭtamat VSK-100 płanujuć zapuścić u sieryjnuju vytvorčaść u Biełarusi da kanca 2026 hoda. Pra heta paviedamiŭ dziaržsakratar Rady biaśpieki Alaksandr Valfovič u intervju kanału «Pieršy infarmacyjny».
Fota: BiełTA
Pa słovach Valfoviča, VSK-100 — sučasny biełaruski aŭtamat sa stopracentnaj łakalizacyjaj. Paśla zapusku ŭ masavuju vytvorčaść jaho miarkujecca pastaŭlać va Uzbrojenyja siły i inšyja siłavyja struktury.
Pa danych TASS, aŭtamat VSK-100 pa pamierach blizki da AK-74: daŭžynia — 915 mm, vyšynia — 265 mm, šyrynia — 6,5 mm. Vaha biez mahazina — 4,3 kh. Aŭtamat pryznačany dla patronaŭ kalibru 7,62×39 mm, mahazin źmiaščaje 30 patronaŭ. Režym stralby — paasobny abo aŭtamatyčny, typ zamykańnia — pavarotny, miechanizm z bakavym hazavym ruchavikom.
Vytvorčaść VSK-100 viadziecca na pradpryjemstvach «BSVT — novyja technałohii» ŭ Stańkavie.
Čytajcie taksama:
Valfovič prakamientavaŭ zajavy SVR i paprasiŭ Jeŭropu nie dyktavać Biełarusi, jak žyć
Valfovič upeŭnieny, što savieckaja vajskovaja technika ŭ Biełarusi prasłužyć jašče hadoŭ z 20