Sakratar Rady biaśpieki Alaksandr Valfovič prakamientavaŭ zdahadki pra toje, što «Arešnika» naohuł niama ŭ Biełarusi.
«Hałoŭnaje, što my ŭpeŭnienyja ŭ tym, što ŭ nas jość hetaja zbroja. I, viadoma, spadziajomsia, što jana nikoli nie spatrebicca. Heta zbroja strymlivańnia, abarony našaj krainy. Usio, što treba, usio, što było vyznačana prezidentami dźviuch krain, vykanana i dziejničaje. A toje, što kažuć našy apanienty, našy susiedzi… Havaryć i rabić vysnovy — heta ich prava», — skazaŭ Alaksandr Valfovič.
Učora Supolnaść čyhunačnikaŭ Biełarusi paviedamiła, što niahledziačy na zajavy Minabarony Biełarusi, što ŭ našaj krainie na bajavoje dziaržurstva zastupiŭ «Arešnik», va ŭsich pryviedzienych Minabaronaj videarolikach zafiksavany tolki try typy mašyn, zadziejničanych u absłuhoŭvańni kompleksu: mašyna suviazi, branieaŭtamabil «Tajfun» i, miarkujem, mašyna zabieśpiačeńnia bajavoha dziažurstva.
«Treba padkreślić, što pry ruchu ŭsioj kałony rakietnaha kompleksu mašyna, jakaja vykonvaje funkcyi puskavoj ustanoŭki (kołavy ciahač), va ŭsich pakazanych siužetach adsutničaje», — padkreśliła Supolnaść čyhunačnikaŭ».
Ciapier čytajuć
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała28
Kamientary
ale, ci lataje, valfovič nie viedaje i spadziajecca, što i nia źviedaje.