U Rasii haryć NPZ u Krasnadarskim krai. U Sievastopali ataku dronaŭ nazvali «samaj praciahłaj» za apošni čas
U noč na 17 lutaha adbyłasia maštabnaja ataka bieśpiłotnikaŭ na RF. U Krasnadarskim krai paśla načnoj ataki haryć Ilski NPZ.
U Krasnadarskim krai atakavany i haryć Ilski NPZ, paviedamlali nočču miascovyja žychary. Miascovyja ŭłady paćvierdzili, što asnoŭny ŭdar pryjšoŭsia na Ilski NPZ, dzie pačaŭsia mocny pažar. Taksama paviedamlajecca pra paškodžańnie łakamatyŭnaha depo.
Paralelna z hetym u Sievastopali ataku nazvali adnoj z «samych praciahłych napadaŭ USU za apošni čas».
«Usiu noč siły SPA i našaha Čarnamorskaha fłotu adbivali ataku USU. Heta byŭ adzin z samych praciahłych napadaŭ na Sievastopal za apošni čas. U ahulnaj składanaści źbita bolš za 24 BPŁA», — paviedamili miascovyja ŭłady.
Rasijskaje Minabarony zajaviła pra źniščeńnie bolš čym paŭsotni bieśpiłotnikaŭ nad Krymam, akvatoryjami Čornaha i Azoŭskaha moraŭ, a taksama nad Kałužskaj, Branskaj i Kurskaj abłaściami.