Žonka premjera Armienii Nikoła Pašyniana paviedamiła, što ich hramadzianski šlub zavieršany
Jana paprasiła «prajaŭlać strymanaść i karektnaść pry abmierkavańni dadzienaj temy».
Hanna Akapian, jakaja na praciahu 30 hadoŭ była spadarožnicaj premjer-ministra Armienii Nikoła Pašyniana, zrabiła nieadnaznačnuju zajavu.
«Darahija suajčyńniki, chaču paviedamić vam, što «pytańnie majho hramadzianskaha šlubu» z premjer-ministram Nikołam Pašynianam zavieršanaje. Prašu ŭsich prajavić strymanaść i karektnaść u adnosinach da hetaj temy. Dziakuju», — napisała jana ŭ fejsbuku.
Sam Nikoł Pašynian pakul nijak nie prakamientavaŭ słovy žonki.
Akapian nie ŭdakładniła, ci aznačaje heta kančatkovy razryŭ adnosin, ci para prosta vyrašyła aficyjna zarehistravać šlub paśla 30 hadoŭ sumiesnaha žyćcia.
Para paznajomiłasia jašče padčas vučoby va ŭniviersitecie i vychoŭvaje čaćviarych dziaciej, adnak aficyjna ich sajuz nikoli nie byŭ zarehistravany.