U Šviejcaryi hornaja łavina nakryła pasažyrski ciahnik VIDEA
U šviejcarskim kantonie Vale ranicaj 16 lutaha pasažyrski ciahnik syšoŭ z rejek u vyniku schodu łaviny, byli paciarpiełyja. Ciapier źjaviłasia videa, jak heta było.
Incydent adbyŭsia kala 7‑j hadzny ranicy ŭ paniadziełak na linii Frutehien — Bryh, pamiž nasielenymi punktami Hopienštajn i Bryh. Spačatku paviedamlali, što ŭ ciahniku było kala 80 pasažyraŭ, ale paźniej akazałasia, što ich było 29.
Palicyja paviedamiła pra 9 paciarpiełych, ź ich piać čałaviek byli špitalizavanyja, astatnim akazali dapamohu na miescy. Ruch na linii prypyniaŭsia da viečara.
Na apublikavanych videa vidać, jak śniežnaja łavina chutka spuskajecca pa schile i nakryvaje častku ciahnika.
Raniej na hetym učastku ŭžo nazirali łaviny: na minułym tydni schod łaviny zakryŭ častku darohi kala Hopienštajna, ale tady abyšłosia biez paciarpiełych. U kantonie ŭ apošnija dni ŭstalavany samyja vysokija ŭzroŭni łavinnaj niebiaśpieki.
Čytajcie taksama:
Pasažyrski ciahnik unačy sutyknuŭsia ź dzikaj žyviołaj
U ciahniku Viciebsk—Minsk pjany pasažyr udaryŭ spadarožnika nažom u šyju