Ułady Biełastoka vydzielili dźvie kvatery dla biełaruskich palitźniavolenych
Kvatery vydali z fondu sacyjalnaha žylla.
Fota: telehram-kanał APK
Pytańni dapamohi biełaruskim palityčnym źniavolenym, vyzvalenym i departavanym na terytoryju Polščy abmiarkoŭvalisia padčas sustrečy namieśnika kiraŭnicy Abjadnanaha pierachodnaha kabinieta, kiraŭnika NAU Paŭła Łatuški ź vice-prezidentam Biełastoka Marekam Masalskim, paviedamlaje Abjadnany pierachodny kabiniet.
Pavieł Łatuška padziakavaŭ kiraŭnictvu horada Biełastoka za padtrymku, akazanuju ŭ vyhladzie vydačy hetych dźviuch kvater, chadajnictva ab vydačy jakich nakiroŭvałasia ŭ tym liku ad imia Paŭła Łatuški jak namieśnika Śviatłany Cichanoŭskaj
Padčas sustrečy byli abmierkavany pytańni mahčymaha časovaha pražyvańnia dla novych hrup palityčnych źniavolenych z metaj aptymizacyi vydatkaŭ na pražyvańnie, kali najbližejšym časam adbudziecca ich vyzvaleńnie i Łukašenka pojdzie na krajniuju mieru — departacyju palitźniavolenych biełarusaŭ na terytoryju Polščy.