U Biełarusi stvaryli novy pramysłovy chołdynh
U Biełarusi źjaviŭsia stankabudaŭničy chołdynh «Biełaruskaja stankabudaŭničaja kampanija», paviedamili ŭ telehram-kanale Ministerstva pramysłovaści.
Zdymak ilustracyjny. Fota: freepik.com
«U Biełarusi aficyjna pačaŭ pracu novy intehravany chołdynh, jaki abjadnaje klučavyja pradpryjemstvy i navukovy patencyjał haliny», — adznačyli ŭ ministerstvie.
Abjadnańnie ŭklučyć u siabie nie tolki pradpryjemstvy, ale i navukovyja arhanizacyi. Usiaho ŭ składzie novaha farmiravańnia budzie try ŭstanovy, a jaho pradukcyja trapiła ŭ śpis asabliva značnaj, dla vytvorčaści jakoj praduhledžany ilhoty.
U skład chołdynhu ŭvajšli:
- AAT «Instytut BIEŁARHSTANKINPRAM» (vyznačany ŭ jakaści kiraŭničaj kampanii chołdynhu);
- AAT «Stankabudaŭničy zavod imia S. M. Kirava»;
- AAT «Minski zavod aŭtamatyčnych linij imia P. M. Mašerava».
Stanki apynulisia ŭ pieraliku tavaraŭ, jakija buduć atrymlivać status ad «Sajuznaj dziaržavy» pry ŭmovie, što ŭ ich budzie nie mienš za 25% składnikaŭ ź Biełarusi ci Rasii.