Biełaruskaja čyhunka adkryła sietku kaviarniaŭ samaabsłuhoŭvańnia
Biełaruskaja čyhunka zapuściła ŭłasnuju sietku kaviarniaŭ samaabsłuhoŭvańnia. Prajekt užo pačaŭ pracavać na šerahu vakzałaŭ krainy, paviedamlaje pres-słužba BČ.
Kaviarni aformlenyja ŭ firmovym styli Biełaruskaj čyhunki — ich možna paznać pa łakaničnym dyzajnie i znaku «BČ». Niahledziačy na farmat samaabsłuhoŭvańnia, dla pasažyraŭ praduhledžany farmat «asabistaha barysty» — majecca na ŭvazie aŭtamatyzavanaja sistema pryhatavańnia napojaŭ.
Punkty pracujuć kruhłasutačna ŭ załach čakańnia 11 vakzałaŭ, u tym liku ŭ Baranavičach-Paleskich, Breście-Centralnym, Viciebsku, Hrodnie, Homieli, Połacku, Mahilovie i inšych haradach. U najbližejšy čas sietku płanujuć pašyryć i na inšyja łakacyi.
Dla pryhatavańnia napojaŭ vykarystoŭvajecca 100% arabika. U mieniu — espresa, amierykana, kapučyna, viarškovy łate, šakaładny makačyna, haračy šakaład, šakaładnaje małako i bananavy raf. Apłacić pakupku možna bieskantaktnymi bankaŭskimi kartkami abo smartfonam.
Čytajcie taksama:
U Minsku viadomyja vytvorcy kaśmietyki adkryvajuć niezvyčajnuju kaviarniu
U Pinsku dziaŭčyna źniała abutak na ŭvachodzie ŭ kaviarniu, kab nie zapeckać vymytuju padłohu
Pad Minskam jość tajamničaje mieściejka, dzie možna paŭnavartasna paabiedać za 5—10 rubloŭ