Enierhietyki pakazali, jak vyhladajuć stvoranyja imi damy dla busłoŭ FOTAFAKT
Na Homielščynie pačali stavić śpiecyjalnyja płatformy dla hniozdaŭ busłoŭ na aporach linij elektrapieradač. U Dobrušskim i Vietkaŭskim rajonach płanujuć raźmiaścić kala sotni takich štučnych hniozdaŭ, paviedamlaje Homielenierha.
Enierhietyki robiać płatformy samastojna i raźmiaščajuć ich u tych vioskach, dzie zvyčajna hniaździacca busły. Novyja kanstrukcyi nie tolki zručnyja dla ptušak, ale i biaśpiečnyja: raniej busły časta abirali dla hniezdavańnia apory ŁEP, što mahło pryvieści da karotkich zamykańniaŭ i adklučeńnia elektryčnaści. Ciapier ža buduć i ptuški ŭ biaśpiecy, i enierhasistemy nadziejna abaronienyja.
Minenierha adznačaje, što takija płatformy asabliva patrebnyja ŭ Bresckaj i Homielskaj abłaściach. Hniozdy raźmiaščajuć na biaśpiečnaj adlehłaści ad tokavych detalaŭ, kab ptuški adčuvali siabie kamfortna, a pastaŭki elektraenierhii zastavalisia bieśpierapynnymi. Ustanoŭku pravodziać razam z rekanstrukcyjaj i budaŭnictvam novych linij elektrapieradač.