Dazvoł na žycharstva ŭ Hruzii majuć 3700 biełarusaŭ
Heta šosty pakazčyk siarod usich krain, hramadzianie jakich majuć DNŽ u Hruzii.
3.738 hramadzian Biełarusi majuć aformleny ŭ Hruzii dazvoł na žycharstva (DNŽ). Pra heta, zajaviŭ padčas vystupleńnia ŭ parłamiencie krainy premjer-ministr Iraklij Kabachidze, paviedamlaje «Pozirk»
Heta šosty pakazčyk siarod usich krain, hramadzianie jakich majuć DNŽ u Hruzii. Na pieršym miescy znachodzicca Rasija (32.129 čałaviek, bolšaja častka jakich — byłyja hramadzianie Hruzii abo asoby z hruzinskimi proźviščami), dalej iduć: Indyja (23.900, u asnoŭnym — studenty), Azierbajdžan (kala 6.700), Ukraina (6.290) i Armienija (kala 5.000).
Hruzija stała adnoj z asnoŭnych krain, kudy emihravali biełarusy, jakija aścierahalisia represij na radzimie paśla paciarpiełych niaŭdaču masavych akcyj pratestu suprać falsifikacyi vynikaŭ prezidenckich vybaraŭ-2020.
Pavodle źviestak MUS Hruzii, na 1 studzienia 2025 hoda ŭ krainie pražyvała 12.808 imihrantaŭ ź biełaruskim hramadzianstvam.
Pry hetym Biełaruś uvachodzić u lik 96 krain, hramadzianie jakich mohuć bieśpierapynna znachodzicca ŭ krainie na praciahu hoda, nie afarmlajučy DNŽ. Paśla hetaha, kab abnulić termin, nieabchodna vyjechać na luby pieryjad času. Nazad puskajuć nie ŭsich. U zonie ryzyki pierš za ŭsio tyja, chto prajaŭlaje publičnuju palityčnuju aktyŭnaść.