Jak ciapier adpravić hrošy ź Litvy ŭ Biełaruś, kali apošni bank adklučyŭ tam svaje kartki?
Dniami ŭ Biełarusi pierastali pracavać bankaŭskija kartki litoŭskaj fintech-kampanii Paysera — heta apošnija litoŭskija kartki, jakimi možna było raźličycca ŭ Biełarusi. Niekatoryja karystalisia imi taksama dziela taho, kab pierasłać hrošy svajakam u Biełaruś. A što rabić ciapier?
Ilustracyjny zdymak. Fota: LookByMedia
Paśla niadaŭniaha adklučeńnia kartak Paysera ŭ Biełarusi varyjantaŭ pieravieści hrošy zastałosia zusim niašmat, bo litoŭskija banki daŭno nie ažyćciaŭlajuć SWIFT-pieravody na biełaruskija rachunki.
Adzinym dziejnym sposabam nazyvajuć servis Paysend, jaki dazvalaje rabić pieravody z kartki na kartku.
Kamisija za pieravod fiksavanaja i składaje ŭsiaho 1,5 jeŭra. Praŭda, treba ŭličvać, što atrymalnik u Biełarusi atrymaje nie jeŭra, a rubli, i kurs budzie mienš vyhadny za toj, što ŭ abmieńnikach.
Skrynšot: paysend.com
Naprykład, kali pa stanie na 21 lutaha jeŭra možna zdać pa kursie 3,32—3,36 rubla, to ŭ Paysend kurs — 3,285 rubla.
Ludzi, jakija ŭžo karystalisia servisam, adznačajuć, što hrošy na biełaruskija kartki prychodziać chutka: ad pary siekund da 10—15 chvilin.
Siarod bankaŭ, čyje kartki dakładna prymajuć hrošy ź Litvy praz Paysend, nazyvajuć Pryjorbank, BSB Bank, MTBank. Ale ahułam łohika tut takaja, što biełaruski bank, u jakim adkryta karta, musić być nie pad sankcyjami, i tady hrošy pryjduć.
Jašče adna važnaja akaličnaść, na jakuju varta źviartać uvahu: nielha takim čynam adpraŭlać hrošy ź Litvy ŭ Biełaruś z kartak Swedbank, choć hrošy z vašaj kartki iduć nie naŭprost u Biełaruś, a servisu Paysend. Reč u tym, što Swedbank zabaraniaje lubyja dziejańni z hrašyma, jakija prama ci ŭskosna źviazanyja ź Biełaruśsiu.
Taksama jość składanaści i ź pieravodam praz Revolut.
A voś Paysera dazvalaje takija pieravody — prynamsi pakul što.
* * *
Kali vy žyviacie ŭ Litvie, to možacie za chvilinu padtrymać «Našu Nivu» častkaj vašaha padachodnaha padatku. Heta nie budzie kaštavać vam ani centa.
Vy prosta pieranakirujecie 1,2% ad užo spłačanaha vami padatku pry padačy štohadovaj dekłaracyi.
Voś padrabiaznaja instrukcyja, jak heta zrabić, kali vy pracujecie ŭ Litvie.