U Rasii pamior mastak, źniavoleny za ŭlotki «Puciniaku na hilaku»
U Hatčynie pad Sankt-Pieciarburham pamior 65‑hadovy mastak-juvielir Alaksandr Dacenka, raniej asudžany pa spravie ab zaklikach da teraryzmu. Pra jaho śmierć paviedamiła hrupa padtrymki.
Alaksandr Dacenka
12 lutaha Dacenku špitalizavali ź ciažkim infarktam. Praź niekalki dzion jaho stan pahoršyŭsia, i daktary ŭviali jaho ŭ miedykamientoznuju komu.
U 2024 hodzie Alaksandra Dacenku i jaho žonku Anastasiju Dziudziajevu prysudzili adpaviedna da troch i troch z pałovaj hadoŭ pazbaŭleńnia voli ŭ kałonii-pasialeńni. Mastak adbyvaŭ heta pakarańnie.
Kryminalnuju spravu suprać Dacenkaŭ raspačali z-za praŭkrainskich ulotak, znojdzienych u supiermarkiecie «Lenta». Na adnoj ź ich była fraza «Puciniaku na hilaku». Abvinavačanyja svajoj viny nie pryznali.
Čytajcie taksama:
Zatrymanaha ŭ Francyi rasijskaha baskietbalista abmianiali na asudžanaha ŭ Rasii francuza