Cichanoŭskaja: Ja adčuvaju vialikuju palohku, što Statkievič doma
Śviatłana Cichanoŭskaja adreahavała ŭ svaim telehram-kanale na siońniašniaje vyzvaleńnie ŭžo byłoha palitviaźnia Mikoły Statkieviča.
Vyzvaleny Mikoła Statkievič z žonkaj Marynaj Adamovič
«Ja adčuvaju vialikuju palohku ad taho, što Mikałaj Statkievič narešcie na voli i doma. Asabliva radaja za Marynu, jakaja tak doŭha čakała i tak uparta zmahałasia za Mikałaja ŭsie hetyja hady.
Ja ščyra zyču jamu sił, zdaroŭja i jak maha chutčej adnavicca paśla pieraniesienaha insultu. Ciapier važna, kab Mikałaj atrymaŭ patrebnaje lačeńnie, ciepłyniu siamji i padtrymku blizkich.
Za kratami zastajucca jašče nie mienš za 1100 palityčnych źniavolenych. Usie pavinny być vyzvalenyja», — napisała Śviatłana Cichanoŭskaja.
Siońnia stała viadoma, što viadomy svajoj vyklučnaj niazłomnaściu palityk-palitviazień Mikoła Statkievič usio ž taki dabiŭsia vyzvaleńnia biez departacyi ź Biełarusi. Pierad hetym jon pieranios insult i miesiac znachodziŭsia ŭ reanimacyi.
Čytajcie taksama:
Statkievič miesiac znachodziŭsia ŭ reanimacyi paśla insultu
Mikoła Statkievič na svabodzie. Jon pieranios insult
Na svabodzie palitźniavolenaja Natalla Levaja. Jana ciažarnaja, pa płanie naradžać u sakaviku