Vialikabrytanija admoviła ZŠA ŭ vykarystańni baz dla ŭdaraŭ pa Iranie
Vialikabrytanija nie dazvoliła ZŠA nanosić avijaŭdary pa Iranie z brytanskaj bazy na vostravie Dyjeha-Harsija i avijabazy ŭ Hłosteršyry, piša Sky News.
Baza ŭ Dyjeha-Harsija, karta Bi-bi-si
Amierykanskija vajskoŭcy raźličvali na vykarystańnie bazy na Dyjeha-Harsija, a taksama bazy RAF Fairford u Hłosteršyry, dzie znachodziacca ciažkija bambaviki ZŠA.
«Zhodna z daŭnim pahadnieńniem pamiž Łondanam i Vašynhtonam, Pientahon moža pačynać apieracyi tolki z hetych dvuch miescaŭ, a taksama ź inšych avijabaz Vialikabrytanii, dzie raźmieščany amierykanskija vajskovyja samaloty i piersanał, pry papiarednim adabreńni brytanskaha ŭrada.
Adnak, Vialikabrytanija nie dała dazvołu bić pa Iranie, bo zaniepakojenaja mahčymym parušeńniem mižnarodnaha prava.
Jak śćviardžajuć žurnalisty, ciapier Vialikabrytanija nie źbirajecca padtrymlivać ZŠA ŭ luboj vajskovaj apieracyi suprać Irana.
Čytajcie taksama:
Tramp zaklikaŭ Brytaniju nie addavać bazu Dyjeha-Harsija. Jon kaža, što jana moža spatrebicca dla ŭdaraŭ pa Iranie
Vajskoŭcy ZŠA zajavili Trampu ab hatoŭnaści ŭdaryć pa Iranie 21 lutaha