Palitviaźniu Cichanu Osipavu druhi raz chočuć pavialičyć termin źniavoleńnia
Suprać Cichana Osipava znoŭ raspačali kryminalnuju spravu za nibyta złosnaje niepadparadkavańnie administracyi kałonii. Pra heta paviedamiła byłaja palitźniavolenaja Antanina Kanavałava.
Cichana zatrymali 11 žniŭnia 2020 hoda padčas akcyi pratestu kala stancyi mietro «Puškinskaja». Śledstva śćviardžała, što jon na aŭtamabili najechaŭ na piaciarych vajskoŭcaŭ unutranych vojskaŭ. Sud pryznačyŭ jamu 11 hadoŭ pazbaŭleńnia voli, a paśla da hetaha terminu jamu dadali jašče 7 miesiacaŭ.
Paviedamlajecca, što Osipaŭ pravioŭ bolš za 200 dzion u štrafnym izalatary. Uletku 2024 hoda jaho na paŭhoda źmiaścili ŭ pamiaškańnie kamiernaha typu, a paśla znoŭ na dva miesiacy adpravili ŭ ŠIZA. Jon nie atrymlivaje ni listoŭ, ni pieradač.
Pavodle słoŭ Kanavałavaj, stan zdaroŭja Cichana vyklikaje surjoznuju zakłapočanaść. U jaho prablemy z zasvajeńniem ježy, boli ŭ vačach, častaje sercabićcie, pierapady cisku i asłableny imunitet. Kožny dzień utrymańnia ŭ takich umovach moža pahoršyć jaho stan i pryvieści da niezvarotnych nastupstvaŭ.
Čytajcie taksama:
«Nie, ja nie źmiryłasia». Hety palitviazień atrymaŭ 11 hadoŭ — pačytajcie, jak jaho čakaje žonka
Palitviaźniu Cichanu Osipavu, jakoha ŭžo asudzili na 11 hadoŭ, dadali jašče siem miesiacaŭ kałonii