Narviehija pabiła svoj ža rekord pa kolkaści zołata na zimovaj Alimpijadzie
Zbornaja Narviehii ŭžo zavajavała 17 załatych miedaloŭ na zimovych Alimpijskich hulniach 2026 hoda ŭ Italii. Čatyry hady tamu, u 2022 hodzie ŭ Piekinie, narviežcy zdabyli 16 miedaloŭ vyšejšaj proby, i tady heta taksama było najlepšym vynikam u historyi.
Narviežskaja kamanda na adkryćci zimovych Alimpijskich hulniaŭ 2026 hoda. Fota: AP Photo/Misper Apawu
17‑ie zołata narviežcam prynios bijatłanist Jochanes Dale-Šeŭdał, jaki vyjhraŭ mas-start na 15 kiłamietraŭ, apiaredziŭšy svajho ziemlaka Sturłu Cholma Lehrejda i tytułavanaha francuza Kantena Fijona-Maje.
Akramia bijatłona, narviežcy stali najlepšymi ŭ łyžnych honkach, frystajle, łyžnym dvajaborstvie, skačkach z tramplina i kańkabiežnym sporcie. Łyžnik Jochanes Kleba zavajavaŭ na hetaj Alimpijadzie ŭžo piać załatych miedaloŭ, a ŭsiaho ŭ jaho ich užo 10 — absalutny rekord «biełych Alimpijad».
Pry hetym Alimpijada jašče nie skončyłasia, jaje zakryćcio zapłanavana na 22 lutaha. I ŭ łyžnikaŭ-mužčyn zastajecca jašče adna nie razyhranaja dystancyja — 50 kiłamietraŭ.
Čytajcie taksama:
ZŠA abahnali Italiju ŭ miedalnym zaliku
Sturła Cholm Lehrejd vybačyŭsia pierad byłoj dziaŭčynaj za apovied pra zdradu
Jochanes Kłeba staŭ dzieviacirazovym alimpijskim čempijonam i ŭstanaviŭ rekord
Narviežski łyžnik Jochanes Kłeba staŭ 10‑razovym alimpijskim čempijonam