Viadomy narviežski bijatłanist paśla zavajavańnia alimpijskaha miedala publična pryznaŭsia ŭ zdradzie svajoj dziaŭčynie
Narviežski bijatłanist Sturła Cholm Lehrejd adrazu paśla bronzavaha dla siabie finišu indyvidualnaj honki zrabiŭ niečakanaje pryznańnie, piša «Trybuna».
«Paŭhoda tamu ja sustreŭ kachańnie ŭsiaho svajho žyćcia — samuju pryhožuju i dobruju dziaŭčynu ŭ śviecie, a try miesiacy tamu ździejśniŭ samuju vialikuju pamyłku ŭ svaim žyćci — zdradziŭ joj.
Heta byŭ najhoršy tydzień u maim žyćci. Mahčyma, ciapier mnohija pahladziać na mianie inakš, ale ja dumaju tolki pra jaje. Ja nie zusim razumieju, pra što ciapier chaču skazać, ale sport u apošnija dni adyšoŭ na druhi płan. I škada, što ja nie mahu padzialicca ź joj hetym. Ja starajusia być dobrym prykładam dla pierajmańnia, ale zrabiŭ hłupstva.
Mnie niama čaho hublać. U mianie byŭ šaniec na sapraŭdnaje kachańnie, i ja ŭsio sapsavaŭ.
Nie abaviazkova daravać mnie. Ale kali jość choć niejki šaniec skazać joj, jak mocna ja jaje kachaju, navat kali heta miedyjna zabje mianie ŭ žyvym efiry, ja hatovy — aby atrymać hety drabniutki šaniec», — skazaŭ 28‑hadovy spartsmien paśla honki.
Dla Sturły Cholma Lehrejda zavajavany im bronzavy alimpijski miedal staŭ nie pieršym — u 2022 hodzie ŭ Piekinie jon staŭ navat alimpijskim čempijonam. Adnak ža sioletniaja bronza ŭpieršyniu zavajavanaja im indyvidualna, u toj čas jak toje zołata — u składzie narviežskaj estafietnaj čaćviorki. Akramia taho, jon ažno siamirazovy čempijon śvietu, piacirazovy srebrany pryzior, a taksama adzin raz atrymaŭ na suśvietnych forumach bronzu.
Narviežac Jochanes Kleba staŭ siamirazovym alimpijskim čempijonam. Da rekorda zusim blizka
«Ja ni pra što nie škaduju. Ja pasprabavała, maryła». Lindsi Von upieršyniu prakamientavała svajo žachlivaje padzieńnie na Alimpijadzie
MAK zabaraniŭ ukrainskamu skieletanistu vystupać u šlemie z vyjavami spartsmienaŭ, zahinułych na vajnie
18‑hadovaja ściahanosca zbornaj Małdovy akazałasia zaciataj pucinistkaj
Alimpijada jašče tolki pačałasia, a zavajavanyja miedali ŭ niekatorych pryzioraŭ užo pałamalisia
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary
A jašče praz paŭhady, sustrenieš nastupnaje kachańnie ŭsiaho svajho žyćcia ( Kab jon jaje sapraŭdy lubiŭ, to nie staŭ by zdradžvać.