Cichanoŭskaja praź niepahadź zachrasła ŭ Vienskim aeraporcie FOTAFAKT

Demakratyčnaja lidarka Śviatłana Cichanoŭskaja hetymi dniami była ŭ Vienie, dzie brała ŭdzieł u zimovaj siesii Parłamienckaj asamblei ABSIE. Pracoŭnaja prahrama była vykanana paśpiachova, a voś ź viartańniem u Varšavu vyjšła nakładka.

Fota: threads.com/@prezident.sveta

«Rejsy ź Vieny admianili. Praź śnieh! Siadžu vośmuju hadzinu ŭ aeraporcie. A jak vy pravodzicie viečar piatnicy?», — napisała Śviatłana Cichanoŭskaja ŭ Threads.

U piatnicu Aŭstryja apynułasia pad uździejańniem mocnych śniehapadaŭ, jakija pryviali da zakryćcia šerahu daroh i časovaha spynieńnia pracy vienskaha aeraporta. 

Minułaj nočču ŭ krainu pryjšoŭ cykłon ź Italii, jaki prynios značnyja apadki. U dalinie Lezach vypała da 44 santymietraŭ śniehu, u Šrokienie — kala 32 santymietraŭ. Na ŭschodzie krainy, u rajonie Sankt-Pioltena, Bad-Fiosłau i na zachadzie Vieny, zafiksavana da 20 santymietraŭ śniehu.

Kamientary da artykuła