Cichanoŭskaja: Kali my chočam sapraŭdnaha miru ŭ Jeŭropie — to my pavinny asłabić Pucina i jaho paplečnika Łukašenku
Siońnia padčas vizitu ŭ Vienu Śviatłana Cichanoŭskaja vystupiła z pramovaj na supolnym plenarnym pasiadžeńni troch asnoŭnych kamitetaŭ ABSIE.
U svajoj pramovie Cichanoŭskaja akcentavała ŭvahu na padtrymcy Ukrainy i nieabchodnaści spynić rasijskuju ahresiju, paviedamlaje jaje pres-słužba.
Taksama jana zaklikała Parłamienckuju asambleju ABSIE i krainy-ŭdzielnicy nie źnižać uvahu da Biełarusi: trymać cisk na režym i rychtavacca da momantu, kali ŭ Biełarusi adkryjecca akno mahčymaściaŭ dla pieramien:
«Siońnia Ukraina zmahajecca za ŭsich nas — za Biełaruś, Ukrainu, Małdovu, usiu Jeŭropu. Ukraina zmahajecca za mir, demakratyju i pravy čałavieka — tyja kaštoŭnaści, jakimi tak daražyć ABSIE.
Važna dać Ukrainie ŭsio nieabchodnaje dla pieramohi i spynić rasijskuju ahresiju. Kali my chočam sapraŭdnaha miru ŭ Jeŭropie — to my pavinny asłabić Pucina i jaho paplečnika Łukašenku.
Vynik hetaj vajny paŭpłyvaje i na budučyniu Biełarusi. Heta moža adkryć dla nas akno mahčymaściaŭ. I jość dva scenary: Biełaruś albo zastaniecca ŭ rasijskaj arbicie, ź jadziernaj zbrojaj, vojskami, «Arešnikami» — a heta značyć, pastajannaja pahroza dla našych susiedziaŭ. Albo jana narešcie vyzvalicca. Adnović svaju niezaležnaść, svabodu i viaršenstva prava — i vykanaje svaje abaviazacielstvy pierad ABSIE.
My nie pavinny dazvalać, kab Biełaruś stała suciašalnym pryzam dla Pucina. Biełaruś — nie Rasija. My na baku Ukrainy. My — hanarlivaja jeŭrapiejskaja nacyja z ułasnaj kulturaj i identyčnaściu».
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary
Ničoha vy, łukašysty, nie dakažacie, nie zmožacie prykinucca nievinavatymi.