U Polščy stała bolš biełaruskich sałonaŭ pryhažości, ale mienš restaranaŭ
U 2025 hodzie ŭ Polščy pavialičyłasia kolkaść biełaruskich kampanij u śfiery industryi pryhažości (cyrulni, sałony pryhažości i da t. p.), adnak u restarannym biznesie zafiksavana źnižeńnie, piša ŭ svaim telehram-kanale žurnalist Vadzim Siachovič.
Pavodle źviestak Centralnaha asiarodka haspadarčaj infarmacyi, kolkaść zarehistravanych u Polščy jurydyčnych asob ź biełaruskim kapitałam u śfiery cyrulniaŭ, sałonaŭ pryhažości i inšych padobnych pasłuh, praciahnuła raści.
Kali ŭ studzieni 2025 hoda takich kampanij naličvałasia 300, to na studzień 2026‑ha — užo 312. Heta adna ź niešmatlikich halin, dzie ŭ minułym hodzie byŭ zafiksavany čysty pryrost novych biznesaŭ.
Razam z tym unutry samoj haliny situacyja była nieadnarodnaj. Naprykład, kolkaść kampanij, jakija ŭtrymlivajuć fitnes-kłuby, skaraciłasia z 18 da 14.
U toj ža čas jašče adna takaja papularnaja siarod biełaruskich inviestaraŭ u Polščy śfiera, jak restaranny biznes, prademanstravała prykmietnaje padzieńnie.
U studzieni 2025 hoda ŭ joj byli zarehistravanyja 202 jurydyčnyja asoby ź biełaruskim kapitałam, a na studzień 2026 hoda ich kolkaść skaraciłasia da 176.
Čytajcie taksama:
U Polščy skaraciłasia kolkaść kampanij ź biełaruskimi karaniami
Biełarus try hady raźvivaŭ kiebabnuju na rynku ŭ Varšavie. A ciapier jaje chočuć źnieści
Biełarus naładziŭ u Polščy vytvorčaść chatnich bunkieraŭ dla abarony ad rakiet i dronaŭ