Siamja z šaści čałaviek atruciłasia hrybnym supam u Vaŭkavyskim rajonie
U tym liku piaciora dziaciej.
Na hetym tydni ŭ pryjomnaje adździaleńnie balnicy ŭ Vaŭkavysku pastupiła siamja z šaści čałaviek, piaciora ź jakich — dzieci va ŭzroście ad 4 da 12 hadoŭ, z pryčyny atručvańnia hrybami, piša volkovysknews.by
Napiaredadni ŭviečary doma byŭ pryhatavany sup z dadavańniem hryboŭ, jak miarkujecca — machavikoŭ i padbiarozavikaŭ.
Praź niekalki hadzin paśla ŭžyvańnia supu siamiejnikam stała drenna. Pieršyja simptomy — bol u žyvacie, młosnaść i vanity.
Paśla zvarotu ŭ pryjomnaje adździaleńnie siamju špitalizavali ŭ adździaleńnie reanimacyi i aniestezijałohii.