Zatrymali Andreja Kima
U siaredzinie tydnia ŭ Minsku zatrymali stvaralnika prajekta «Kinakonh» Andreja Kima. Kulturnaha mieniedžara aryštavali, žonku adpuścili. Pryčyny aryštu nieviadomyja, piša telehram-kanał «Śviaščenny Biełavud».
Andrej Kim. Archiŭnaje fota: Naša Niva
Kinakonh — biełaruski kinaprajekt i kinadystrybutar sa słohanam «Kino pa-biełarusku», zasnavany 5 vieraśnia 2012 hodu Andrejem Kimam. Prajekt zajmaŭsia prafesijnym pierakładam i ahučvańniem filmaŭ, multfilmaŭ, trejleraŭ i videarolikaŭ na biełaruskuju movu, a taksama ładziŭ kinapakazy ŭ roznych haradach Biełarusi. «Kinakonh» staŭ adnym z najbolš viadomych prajektaŭ, jakija papularyzavali biełaruskamoŭny dublaž i rabili suśvietnaje kino dastupnym pa-biełarusku.
Siarod poŭnamietražnych animacyjnych filmaŭ, ahučanych prajektam, — «Hałavałomka» (Inside Out), «Hałavałomka 2», «Duša» (Soul), «Łuka» (Luca) i h.d. Hetyja pakazy nieadnarazova źbirali poŭnyja zały i pryciahnuli dziasiatki tysiač hledačoŭ pa ŭsioj krainie.
Čytajcie taksama:
U Minsku adbylisia masavyja zatrymańni vydaŭcoŭ i kniharaspaŭsiudnikaŭ
Vydaviectva «Technałohija» prypyniła pracu
Palitviaźniu Cichanu Osipavu druhi raz chočuć pavialičyć termin źniavoleńnia