Na karybskim vostravie vypraboŭvajuć inavacyjnuju sistemu chvalevaj enierhietyki i apraśnieńnia vady

U astraŭnoj karybskaj dziaržavie Barbadas startuje piłotny prajekt pa vykarystańni enierhii akijaničnych chval. Dackaja kampanija Wavepiston płanuje zapuścić kamiercyjnuju ŭstanoŭku mahutnaściu 50 miehavat, jakaja budzie vypracoŭvać nie tolki elektraenierhiju, ale i presnuju vadu, paviedamlaje vydańnie New Atlas.

Fota: Wavepiston

Pahadnieńnie ab supracoŭnictvie padpisana pamiž uradam Barbadasa (praz ahienctva Export Barbados) i dackaj firmaj paśla niekalkich miesiacaŭ papiarednich daśledavańniaŭ. Prajekt stanie važnym krokam ad tearetyčnych raźlikaŭ da realnaha ŭkaranieńnia technałohii ŭ Karybskim rehijonie.

Asnovaj raspracoŭki źjaŭlajecca doŭhaja hnutkaja kanstrukcyja — tak zvanaja «nitka» daŭžynioj kala 350 mietraŭ, zamacavanaja ŭ mory. Uzdoŭž jaje raźmieščanyja moduli — zborščyki enierhii. Kožny ź ich abstalavany nievialikim padvodnym «vietraziem», jaki ruchajecca pad uździejańniem chval.

Hety ruch pryvodzić u dziejańnie hidraŭličnuju pompu, što nahniataje marskuju vadu pad vysokim ciskam. Dalej vada pa trubapravodzie pastupaje na centralnuju stancyju, dzie albo krucić hidraturbinu i vypracoŭvaje elektryčnaść, albo nakiroŭvajecca ŭ sistemu dla apraśnieńnia i atrymańnia pitnoj vady.

Fota: Wavepiston

Dziakujučy tamu, što moduli ruchajucca nie adnačasova, patok vady pad ciskam atrymlivajecca stabilnym. Akramia taho, kanstrukcyja častkova kampiensuje nahruzki ad chval, što robić jaje bolš ustojlivaj i mienš darahoj u absłuhoŭvańni.

Enierhija chval ličycca adnoj z samych stabilnych adnaŭlalnych krynic — u adroźnieńnie ad sonca i vietru, jana mienš zaležyć ad źmien nadvorja. Pry hetym technałohija pavinna adpaviadać strohim ekałahičnym patrabavańniam.

Fota: Wavepiston

Pa vynikach papiarednich vyprabavańniaŭ, niehatyŭnaha ŭpłyvu na marskija ekasistemy nie vyjaŭlena — u niekatorych miescach navat adznačana pavieličeńnie kolkaści marskich arhanizmaŭ kala ŭstanovak.

Dla Barbadasa prajekt maje stratehičnaje značeńnie. Kraina imkniecca dasiahnuć klimatyčnaj niejtralnaści da 2030 hoda i ŭžo inviestuje ŭ soniečnuju, vietravuju enierhietyku i sistemy nazapašvańnia enierhii. Novaja chvalevaja stancyja pavinna ŭmacavać enierhietyčnuju niezaležnaść krainy, zabiaśpiečyć joj dadatkovyja zapasy pitnoj vady, stvaryć novyja pracoŭnyja miescy i zrabić Barbadas rehijanalnym centram chvalevaj enierhietyki.

Kamientary da artykuła