Źjaviłasia videa z «buchankaj», jakaja patanuła ŭ Bajkale z kitajskimi turystami
Mašyna pajšła na dno za ličanyja chviliny.
U siecivie źjaviłasia šakavalnaje videa hibieli kitajskich turystaŭ na voziery Bajkał.
Na kadrach bačna, jak aŭtamabil UAZ z pasažyrami amal imhnienna pajšoŭ na dno, pravaliŭšysia ŭ ledzianuju pałonku.
Vidavočcy sprabavali dapamahčy turystam vybracca z mašyny. Adnamu pasažyru paśpieli praciahnuć viaroŭku — dziakujučy hetamu mužčyna zmoh vybracca i vyžyŭ. Astatnija vosiem čałaviek, jakija apynulisia zabłakavanymi ŭnutry aŭtamabila, zahinuli. Siarod achviar — 14‑hadovaja dziaŭčynka.
Jak vyśvietliłasia, pieravozčyk nie mieŭ aficyjnaj rehistracyi i pracavaŭ nielehalna, ihnarujučy zabarony na vyjezd na lod u niebiaśpiečnych miescach.