Biełčyhunka znoŭ zamianiaje «Štadler» na sastaŭ sa zvyčajnych vahonaŭ
Biełaruskaja čyhunka paviedamiła ab čarhovaj zamienie kamfartabielnaha elektraciahnika sieryi EPM na sastaŭ z vahonaŭ łakamatyŭnaj ciahi. Pryčynaj takoha rašeńnia nazyvajuć nieabchodnaść praviadzieńnia «pazapłanavaha techničnaha ahladu» šviejcarskaj techniki.
Źmieny zakranuli nastupnyja rejsy:
№ 733 Minsk — Brest: adpraŭleńnie 22 lutaha ŭ 17:21.
№ 734 Brest — Minsk: adpraŭleńnie 23 lutaha ŭ 06:34.
Praź pierastanoŭki bilety na hetyja rejsy mohuć być časova niedastupnyja ŭ sistemach prodažu.
Pasažyram, jakija ŭžo nabyli prajaznyja dakumienty na «Štadler», u BČ paabiacali viarnuć roźnicu ŭ canie biletaŭ — dla hetaha treba źviarnucca ŭ kasy.
U apošnija miesiacy Biełčyhunka ŭsio čaściej vykarystoŭvaje staryja łakamatyvy zamiest impartnych ciahnikoŭ. Pieravozčyk tłumačyć heta składanymi ŭmovami sioletniaj surovaj zimy, jakuju zamiežnaja technika nie zaŭsiody vytrymlivaje, a taksama patrebaj u terminovym ramoncie.