FIFA razhladaje mahčymaść pieranosu matčaŭ čempijanatu śvietu pa futbole ź Mieksiki
FIFA razhladaje mahčymaść pieranosu mižkantynientalnych stykavych matčaŭ, jakija pavinny prajści ŭ Mieksicy i vyznačać kamandy, jakija atrymajuć prava ŭdzielničać u čempijanacie śvietu 2026 hoda.
Fota: Leonardo Montecillo / Agencia Press South / Getty Images
Pad pahrozaj i matčy finalnaj častki turniru, zapłanavanyja na čas z 11 červienia pa 19 lipienia ŭ ZŠA, Mieksicy i Kanadzie, paviedamlaje The Athletic.
Pieramiaščeńnie matčaŭ budzie razhladacca tolki ŭ krajnim vypadku, kali pradstaŭniki orhanaŭ biaśpieki i kamiercyjnyja partniory vykažuć surjoznyja aściarohi.
U Mieksicy praciahvajucca biesparadki, vyklikanyja zabojstvam kiraŭnika narkakartela Niemiesia Asiehiery Siervantesa. Bajeviki akazvajuć supraciŭleńnie pravaachoŭnym orhanam, što pryvodzić da pahromaŭ i pierastrełak.
Situacyja ŭskładniajecca tym, što dziasiatki tysiač zaŭziataraŭ užo nabyli bilety i zabraniravali hateli na finalnuju častku turniru. U vypadku pieranosu FIFA budzie abaviazana kampiensavać straty zaŭziataram.
U Mieksicy pavinny prajści 12 matčaŭ čempijanatu śvietu, jakija buduć zhulanyja ŭ Miechika, Manterei i Samapanie kala Hvadałachary ŭ štacie Chaliska, dzie i adbyvajucca biesparadki.
A z 26 pa 31 sakavika ŭ Hvadałachary i Manterei projduć stykavyja matčy mižkantyntientalnaha turniru, u jakich zhulajuć zbornyja Novaja Kaledonii, Jamajki i DR Konha dy Balivii, Surynama i Iraka.
Čytajcie taksama:
Hvałt u Mieksicy paśla hibieli narkabarona El Mienča: Nacyjanalnaja hvardyja straciła 25 čałaviek