Stała viadoma, chto ŭnačy padarvaŭ palicejskich kala vakzała ŭ Maskvie

Stali viadomyja padrabiaznaści vybuchu kala Saviołaŭskaha vakzała ŭ Maskvie, u vyniku jakoha zahinuŭ supracoŭnik DPS. Pavodle źviestak śledstva, vybuch apoŭnačy 24 lutaha arhanizavaŭ 22‑hadovy ŭradženiec Udmurcii, jaki pryjechaŭ u Maskvu z Sankt-Pieciarburha. Siłaviki, jak paviedamlajecca, užo adnavili jaho maršrut i ciapier vyvučajuć bijahrafiju, koła znosin i mahčymyja matyvy złačynstva.

Fota: TASS

Prezident Rasii Uładzimir Pucin 24 lutaha zajaviŭ na pasiadžeńni kalehii FSB, što padazravanaha, imavierna, zavierbavali praź internet. Sa słoŭ Pucina, mužčynu pieradali vybuchovuju pryładu, jakuju paźniej pryviali ŭ dziejańnie dystancyjna. Palityk vykazaŭ mierkavańnie, što vykanaŭca moh nie ŭśviedamlać usich abstavin i staŭ achviaraj viarboŭki.

Incydent adbyŭsia 24 lutaha kala 00:05. Da słužbovaha aŭtamabila DPS, jaki stajaŭ kala stajanki taksi, padyšoŭ mužčyna, paśla čaho prahrymieŭ vybuch. Staršy lejtenant palicyi 34‑hadovy Dzianis Bratuščanka i sam napadnik zahinuli na miescy. Jašče dvoje palicejskich atrymali ranieńni.

U vyniku vybuchu dach i kuzaŭ aŭtamabila byli mocna paškodžanyja. Pavodle papiarednich acenak, mahutnaść vybuchovaj pryłady składała kala 300 hramaŭ u tratyłavym ekvivalencie.

Pavodle faktu zdareńnia rasijski Śledčy kamitet raspačaŭ kryminalnuju spravu pa artykułach ab zamachu na žyćcio supracoŭnika pravaachoŭnych orhanaŭ i niezakonnym abaračeńni vybuchovych pryład.

Kamientary da artykuła