Nočču 22 lutaha ŭ centry Lvova kala handlovaha centra «Mahnus» adbyłasia sieryja vybuchaŭ, jakija aficyjna kvalifikavanyja jak terakt.
Pieršaje paviedamleńnie pra zdareńnie pastupiła paśla 00:30, kali ŭ rajonie vulicy Špitalnaj prahrymieli mahutnyja vybuchi, kali palicyja pryjechała na łžyvy vyklik ab niezakonnym praniknieńni ŭ kramu.
Pieršy vybuch prahrymieŭ paśla prybyćcia pieršaha ekipaža. Kali na miesca teraktu prybyŭ druhi ekipaž patrulnaj palicyi, adbyŭsia jašče adzin vybuch.
Mer horada Andrej Sadavy aficyjna paćvierdziŭ hibiel čałavieka: «Pavodle papiaredniaj infarmacyi, u vyniku terakta zahinuła žančyna-palicejskaja». ŚMI pišuć, što joj było 23 hady.
Kolkaść paciarpiełych udakładniałasia na praciahu nočy. Apošnija danyja — 15 paranienych.
Sadavy padkreśliŭ, što haradskija słužby pracujuć u nadzvyčajnym režymie, a lekary akazvajuć usiu nieabchodnuju dapamohu.
Pavodle jaho słoŭ, charaktar zdareńnia nie pakidaje sumnievaŭ: «Heta byŭ terakt. Pracujuć pravaachoŭniki i ŭsie adpaviednyja słužby».
Vybuchovaja chvala naniesła istotnyja paškodžańni navakolnaj zabudovie. Sam epicentr znachodziŭsia ŭ niežyłym budynku, dzie raźmieščany kramy, tamu ŭdałosia paźbiehnuć bolšaj kolkaści achviar siarod žycharoŭ. Tym nie mienš, u susiednich damach vybita škło.
Palicyja vyśviatlaje typ vybuchovych pryład i šukaje asob, datyčnych da arhanizacyi vybuchaŭ.
Sustreču Ryžankova ź Sikorskim paprasiŭ Minsk. Što kamanda Cichanoŭskaj abmiarkoŭvała z palakami da i paśla jaje11
Kamientary