U Aŭstryi navihatar zavioŭ furu biełarusa ŭ pastku
Davier biełaruskaha dalnabojščyka da spadarožnikavaj navihacyjnaj sistemy pryvioŭ da praciahłaj apieracyi evakuacyi hruzavika ŭ aŭstryjskim horadzie Bad-Išl. Pra heta paviedamlaje miascovaja vyratavalnaja słužba, piša sajt «Biełaruś i mir».
Fota: dobraachvotnaja ratavalnaja družyna horada Bad-Išl
Incydent zdaryŭsia 20 lutaha. Kiroŭca, słuchajučy padkazki navihatara, paviarnuŭ z darohi B145 na vulicu Miulenvieh, a ź jaje — na vulicu Brandebierhvieh. Abiedźvie jany vielmi krutyja, vuzkija i źvilistyja. Składanaści dadavali taksama ŭmovy nadvorja i zaśniežanaść.
Pieršyja ciažkaści ŭźnikli na čyhunačnym pierajeździe: hruzavik źjechaŭ z darožnaha pałatna. Ale ŭsio ž taki šafioru ŭdałosia pierapravić mašynu praz rejki. Dalej, adnak, stała zusim ciažka. Manieŭrujučy, fura ŭ vyniku zachrasła na zaśniežanaj uzbočynie.
Fota: dobraachvotnaja ratavalnaja družyna horada Bad-Išl
Vyklikanyja vyratavalniki pry dapamozie labiodki viarnuli hruzavik na asfalt. Paśla vopytnamu supracoŭniku ekstrannaj słužby pryjšłosia vieści mašynu zadnim chodam na vialikaj adlehłaści — až da vapnavaha zavoda.
Čyhunačny pierajezd dla hetaha nakryli draŭlanymi bruskami, abmiežavaŭšy ruch na linii.
Tolki krychu bolš jak praz try hadziny kiroŭca hruzavika zmoh praciahnuć svoj šlach.
Čytajcie taksama:
Dalnabojščyk spytaŭ u dziaŭčyn, čamu jany nie chočuć adnosin z dalnabojščykami — i paniesłasia