U Asipovičach rabočy ŭpaŭ razam z dacham, na demantažy jakoha pracavaŭ
U Asipovičach padčas demantažu dachu avaryjnaha budynka na terytoryi zavoda atrymaŭ ciažkija traŭmy rabočy. Incydent adbyŭsia 24 lutaha, paviedamlaje Śledčy kamitet.
Padčas rabot pa razborcy kanstrukcyi dach abrynuŭsia razam z mužčynam, jaki znachodziŭsia na im. Pavodle papiaredniaj infarmacyi, u momant zdareńnia zvarščyk adbojnym małatkom ačyščaŭ mantažnyja pietli plity ad bietonu.
U vyniku abrušeńnia mužčyna ŭpaŭ z vyšyni kala troch mietraŭ na mietaličnaje pakryćcio padłohi. Kalehi vyklikali chutkuju dapamohu, paciarpiełaha špitalizavali ŭ ciažkim stanie.