Karyna Šulak nie atrymaje ni centa sa spadčyny Epštejna
Vydańnie Le Monde apublikavała padrabiaznaści historyi 36‑hadovaj uradženki Biełarusi Karyny Šulak, jakaja była apošniaj spadarožnicaj i hałoŭnaj spadkajemcaj amierykanskaha seksualnaha złačyncy-miljardera Džefry Epštejna. Niahledziačy na toje, što Epštejn zaviaščaŭ joj praktyčna ŭsiu svaju majomaść, atrymać hrošy joj nie ŭdasca.
Džefry Epštejn z Karynaj Šulak
Karyna Šulak była apošnim čałaviekam, ź jakim Epštejn razmaŭlaŭ pa telefonie niezadoŭha da samahubstva ŭ turmie 10 žniŭnia 2019 hoda.
Jana była dla jaho adnačasova paluboŭnicaj, mieniedžarkaj i ŭtrymankaj. Jana značycca hałoŭnaj bienieficyjantkaj u zaviaščańni, jakoje jon napisaŭ u svajoj kamiery pierad śmierciu.
Zhodna z hetym dakumientam, Šulak pavinna była atrymać u spadčynu 100 miljonaŭ dalaraŭ i majomaść Epštejna: jaho asabniak na Manchetenie, jaho kvateru ŭ Paryžy, jaho pryvatnyja astravy, jaho ranča ŭ Ńju-Mieksika, a taksama piarścionak u 32 karaty, nabyty za 1,2 miljona dołaraŭ.
Niahledziačy na hetuju ščodruju spadčynu, 36‑hadovaja žančyna, jakaja zaraz žyvie ŭ Ńju-Jorku, nie ŭbačyć ni kapiejki, pakolki amierykanskija i francuzskija ŭłady vyrašyli zamarozić majomaść, kab nakiravać jaje ŭ fond kampiensacyi achviaram.
Čytajcie taksama:
«A što Epštejn? Možna padumać, što ty b admoviłasia». Boty ŭstali na abaronu Karyny Šulak
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
Džefry Epštejn niekalki razoŭ atrymlivaŭ vizu ŭ Biełaruś. I dakładna naviedvaŭ našuju krainu